Uniun Ruinaulta

L’uniun «La Ruinaulta» ei vegnida fundada ils 13 da matg 2009 ed ei ina reuniun dallas nov vischnauncas che cunfineschan cun la Ruinaulta. Quei ei las vischnauncas da

Panaduz, Tumein, Trin, Glion, Flem, Laax, Schluein, Sagogn e Val Stussavgia.

Tenor ils statuts ha l’uniun igl intent da sviluppar e realisar ina strategia per la Ruinaulta. La «Charta dalla Ruinaulta», signada ils 29 da settember 2005, ei ina cunvegna davart ils intents dallas vischnauncas participadas en connex cun la gestiun coordinada dalla Ruinaulta, ed ella ei l’emprema basa per la collaboraziun dallas vischnauncas participadas.

L’uniun procura oz ensemen cun differentas gruppas d’interess che la Ruinaulta seigi accessibla allas persunas interessadas e sappi vegnir scuvretga a moda multifara, ch’ella vegni mantenida e che la coordinaziun da tut las mesiras necessarias seigi garantida. Per dar damogn al diember adina pli grond da visitadras e visitaders drova ei ina buna gestiun dils territoris e dils hosps. Quella garantescha il survetsch da rangers ch’ei vegnius mess ad ir ils davos onns.