Il survetsch da rangers ella Ruinaulta

Il survetsch da rangers el perimeter dalla Ruinaulta ed el territori dil Patrimoni mundial dall’UNESCO Arena tectonica Sardona garantescha la protecziun dalla natira d’ina vart ed il diever turistic da l’autra – ina purschida sco ei dat bunamein en negin’autra regiun dil cantun Grischun. Procurar per ina buna gestiun ed informaziun dallas visitadras e dils visitaders ein duas incumbensas centralas dils rangers ch’ein regularmein en survetsch per garantir in bien funcziunament. Els duein vegnir percepi dils hosps surtut sco gidonters. En collaboraziun e cun sustegn dils menaschis communals san els pinar donns dall’infrastructura a moda sperta e nuncumplicada. Cun installar in secretariat igl 1. d’uost 2022 ei l’Uniun Ruinaulta vegnida professiunalisada ed ha a medem temps integrau ell’uniun il survetsch da rangers. Las incumbensas centralas dil survetsch da rangers ei da reparter las visitadras ed ils visitaders, d’informar ils hosps e da survigilar la natira e l’infrastructura. Ils hosps apprezieschan il survetsch dils rangers. Quels intermedieschan ils connexs denter la formaziun dalla Ruinaulta e la derasaziun dalla flora e fauna ed informeschan davart il survetsch dils rangers. Quels documenteschan las enconuschientschas ed observaziuns impurtontas e communicheschan quellas allas autoritads. En cass d’eveniments registreschan els quels en in program d’EED corrispundent. Las incumbensas dils rangers ein cumplessivas. Els han surtut da:

survigilar ils territoris da cuar dil rivarel alpin e dil gravarel pign
far in monitoring dalla flora e fauna
render attent a cumpurtaments sbagliai
informar las visitadras ed ils visitaders (vias accessiblas, ustrias aviartas, urari dalla Viafier retica, lunghezia e cuoz dils tschancuns da viandar, etc.)
sensibilisar las visitadras ed ils visitaders per las valurs naturalas dalla flora e fauna e dalla geologia
controllar ch’il scamond da far fiug e da campar vegni observaus
controllar la reit da sendas
examinar il stadi dalla signalisaziun (muossavias, tablas d’informaziun)
controllar il stadi dallas fueinas
controllar la funcziun ed il diever dall’infrastructura

La Ruinaulta ei in monument natural d’impurtonza naziunala ed aschia da fetg gronda muntada en Svizra. Plaun a plaun crescha siu grad d’enconuschientscha. Tras quei crescha era la pressiun sin la natira ed il mund dils animals ed il diember da visitadras e visitaders s’augmenta cuntinuadamein. Cun endrizzar in secretariat ha l’Uniun Ruinaulta creau las premissas per garantir a liunga vesta il diever persistent e la protecziun da quei territori unic. Grazia alla purschida dil survetsch da rangers sa ella far frunt allas sfidas futuras cun reparter ed informar optimalmein las visitadras ed ils visitaders.

Terraviva

Referenzen.

Einen Einblick über das Tun und Wirken von Terraviva vermitteln Ihnen die aktuellen und abgeschlossenen Projekte.

Swiss Ranger

L’Uniun Swiss Rangers ei l’organisaziun tetgala dils rangers, survigiladers dalla natira e guardiaparcs. Ella s’engascha per la renconuschientscha dalla professiun dils rangers. L’uniun ei vegnida fundada igl onn 2008 ed ei activa ell’entira Svizra.

Nossa incumbensa

Las incumbensas principalas dil survetsch da rangers ei da reparter e d’informar bein las visitadras ed ils visitaders e da sensibilisar ils hosps per las valurs dalla natira. Survigilar la natira e l’infrastructura enteifer il perimeter dil «monument natural Ruinaulta» ei in’ulteriura incumbensa centrala dil team da rangers.