Las ognas sco spazi da viver
Terraviva
Referenzen.
Einen Einblick über das Tun und Wirken von Terraviva vermitteln Ihnen die aktuellen und abgeschlossenen Projekte.
Igl ogn grisch
Ogns grischs ein sper ils salischs la specia da plonta dominonta el tipic uaul da riva. Sco il num tradescha ei la scorsa da colur grischa. Igl atun ed igl unviern san ins distinguer igl ogn grisch grazia a sias pintgas miscalcas brinas. Ogns grischs creschan spert ed ein s’adattai bein allas inundaziuns periodicas.
Il salisch
Ils salischs ein savens las empremas plontas che catschan alla riva suenter in’inundaziun. Gia in toc d’in rom tonscha per schar crescher ina nova plonta. Las spessas ragischs dils salischs stabiliseschan la riva e fuorman bunas cundiziuns da basa per las specias suandontas. Il salisch purpur duvravan ins pli bauld per far canastras.
La cua gat
Sco in uaul spess creschan las cuas gat el terren sablunus alla riva sut la staziun da Valendau. Las empremas cuas gat ein sederasadas avon varga 300 miu. onns ed ellas s’audan aschia tier las plontas originaras. Ellas semultiplicheschan buca sur sems, mobein cun sporas e fils sutterrans. Las ragischs ed ils fils fuorman ina spessa reit che tegn ensemen la riva da sablun.
