Spazis da viver multifars
Sin in spazi pign coexistan en quella cuntrada cavorgia unica differents biotops d’uaul, pia uauls cun pretensiuns fetg differentas. Grazia alla bova porscha la Ruinaulta spazis da viver en tut las exposiziuns e tessaglias. Legi en tgei loghens ch’ils differents biotops d’uaul sesentan specialmein bein.
Terraviva
Referenzen.
Einen Einblick über das Tun und Wirken von Terraviva vermitteln Ihnen die aktuellen und abgeschlossenen Projekte.
Las ognas
Las ognas drovan ina humiditad constanta ed in flum cun ina dinamica naturala. Ellas vegnan inundadas regularmein e/ni influenzadas dall’aua sutterrana. Las ognas da lenn lom consistan surtut dad ogna e da salischs che resistan senza problems era pliras jamnas all’aua gronda. Quei saveis Vus observar a moda impressiunonta ellas ognas sper il plaz da paus «Schwarzes Loch».
Ils uauls da tieus e brutg
Allas spundas schetgas e meins teissas dalla Ruinaulta sesenta igl uaul da tieus e brutg fetg bein. El ei buca fetg derasaus en Svizra e porscha in spazi da viver ideal per specias d’orchideas raras. La primavera flurescha il brutg clar-rosa che s’extenda sco in teppi tarlischont sin las spundas dalla cavorgia.
L’aua
L’aua dil Rein Anteriur, clara e da colur verda turchis, cuora tras la cavorgia imposanta. Ins pudess manegiar che l’aua dalla Ruinaulta seigi schubra e sauna. Mo deplorablamein cugliuna il bi maletg. Il flum cuntegn mo pli paucs animals ed organissems. El Rein Anteriur dat ei aunc paucas litgivas d’ual e fetg paucs scaruns. Ils pèschs ein periclitai fermamein per differents motivs.
