La pli biala vesta sin la Ruinaulta
Schei ir Voss’egliada ed admirei la Ruinaulta ord la perspectiva d’in utschi. Las siat plattaformas panoramicas dalla Ruinaulta ein contonschiblas sur las sendas da viandar ni sesanflan schizun mo in pèr pass naven dil parcadi.
Terraviva
Referenzen.
Einen Einblick über das Tun und Wirken von Terraviva vermitteln Ihnen die aktuellen und abgeschlossenen Projekte.
Alix
Paucas minutas naven dil vitg da Valendau sesanfla la plattaforma «Alix». Sur la senda da viandar 656.5 arriveis Vus directamein alla plattaforma panoramica che porscha ina biala vesta sin la Ruinaulta.
Crap Signina
Sin in grep sur Sagogn sesaulza la plattaforma «Crap Signina». Ella ei contonschibla en 30 minutas naven da Laax Vitg ni Sagogn sin la senda da viandar 656.6. La vesta ella Val Mulin e tochen Glion ei explicada sin tablas panoramicas. La plattaforma cuvretga envida era da plievgia da far in paus.
Islabord
Paucas minutas naven da Versomi Vitg sesanfla il balcun «Islabord». El dat libra la vesta sin las preits crap steppas e sin il patrimoni mundial dall’UNESCO. Il balcun «Islabord» ei contonschibels sur la senda da viandar 656.9 cun colligiaziun directa al traffic public.
Il Spir
La plattaforma panoramica «Il Spir» ei situada paucas minutas naven da Conn e porscha ina vesta unica ella profunditad dalla Ruinaulta. Naven da Flem Casa d’Uaul ei la plattaforma en fuorma da delta contonschibla sur la senda da viandar 656.3.
Spitg
La plattaforma panoramica romantica «Spitg» porscha ina vesta singulara da 270 grads ella Val Versomi, la Ruinaulta ed il mund alpin da Flem. Sur la senda da viandar 656.1 naven da Versomi Vitg ni Trin Staziun eis ella bein contonschibla.
Zault
Gest all’entschatta dalla Ruinaulta serpegia la plattaforma panoramica en fuorma da spirala sin in crest natural e porscha ina biala vesta sin la Ruinaulta. Naven da Trin Staziun ei la plattaforma contonschibla en ver 45 minutas sur la senda da viandar 656.1.
Wackenau
La plattaforma panoramica «Wackenau» sesanfla alla fin dalla cavorgia dil Rein massiva ed ei bein accessibla sur la senda da viandar 656.4 ni naven da Panaduz sur la senda 656.7.
