L’Arena tectonica Sardona
Cheu ein las muntognas sutsura!
L’Arena tectonica Sardona dat envestas impressiunontas ella historia dalla formaziun dallas muntognas e dallas vals alpinas. Per liung dalla lingia visibla lunsch entuorn, la ruttadira inversa glarunesa ch’ins numna era la «lingia magica», ei la crappa veglia da 250 tochen 300 milliuns onns sestuschada sin la crappa bia pli giuvna che ha per part «mo» 35 tochen 50 milliuns onns. Quei ei schabegiau avon 10 tochen 20 milliuns onns lunsch sut la surfatscha dalla tiara da lezzas uras!
Terraviva
Referenzen.
Einen Einblick über das Tun und Wirken von Terraviva vermitteln Ihnen die aktuellen und abgeschlossenen Projekte.
La Champions League dils beins naturals
L’Arena tectonica Sardona ei in dils sulettamein 200 loghens distingui dall’UNESCO sco patrimoni natural mundial ed in dils pli interessants ord vesta geologica. Grazia alla distincziun la pli aulta dil mund per in bein natural fa l’Arena tectonica Sardona part dalla medema ligia sco il Grand Canyon (USA), las Inslas Galapagos (Ecuador) ni il Great Barrier Reef (Australia).
Scuvierer
Ina vesta unica ell’Arena tectonica Sardona, il patrimoni mundial dall’UNESCO, haveis Vus naven dalla Camona da Segnas. Naven da cheu veseis Vus las Siat Soras ed il Plaun Segnas Sut. Sin las turas cun ils GeoGuides saveis Vus emprender dapli davart la historia da formaziun da nossas muntognas.
