Territoris da protecziun naziunals ed internaziunals
Igl Inventari federal dallas cuntradas e dils monuments naturals
1977 ei la Ruinaulta vegnida integrada egl Inventari federal dallas cuntradas e dils monuments naturals d’impurtonza naziunala (IFC).
«Igl Inventari federal dallas cuntradas e dils monuments naturals (IFC) registrescha las cuntradas las pli preziusas dalla Svizra. El ei in instrument per schanegiar e proteger il maletg genuin dalla cuntrada e dils vitgs, ils loghens historics ed ils monuments naturals e culturals dalla Svizra sco era per promover il manteniment e la tgira da quels.» (LPNP art. 1 a)
La Reit Smaragd
Per proteger specias e spazis da viver rars e periclitai ell’entira Europa dat ei la Reit Smaragd. En Svizra fan 43 spazis da viver e 91 specias part da quella. La Svizra ei s’obligada sco stadi contrahent dalla Convenziun da Berna da proteger quels spazis da viver e quellas specias. (Fontauna: UFAM smaragd-gebiete.html)
Terraviva
Referenzen.
Ils reservats d’uaul natural
En reservats d’uaul natural dat ei ni intervenziuns forestalas ni agricolas. Igl uaul vegn surlaschaus cumpletamein alla natira. Cun excepziuns d’incendis d’uaul ni cass d’urgenza fitosanitars sco l’infestiun cun il bau-scorsa astga il carstgaun buc intervegnir egl uaul. Ella Ruinaulta dat ei treis differents reservats d’uaul natural.
Ils reservats d’utschals
Per saver proteger endretg ils plazs da cuar dil rivarel alpin han ins determinau el Plan directiv cantunal plirs reservats d’utschals temporars. Naven digl 1. d’avrel tochen ils 15 da fenadur fan ils rangers seiv entuorn quels territoris e controlleschan els regularmein. Duront quei temps eis ei scumandau d’entrar en quels territoris.
Terraviva
