Ils mammals dalla Ruinaulta
Il castur
Ils casturs carschi han ina lunghezia da bunamein 1 m e peisan denter 20 e 25 kg. Il matg neschan 2-3 giuvens e passentan las empremas jamnas bein protegi en lur tauna. Gia baul entscheivan els a termagliar ell’aua. Sfunsar san els denton aunc buca. Els ein memia levs e senodan alla surfatscha sco stappuns da corc.
Buca tut ils casturs fan taunas classicas che vargan ord l’aua sco ina tuor. Savens cavan els taunas cun bia vaus ellas scarpas dalla riva. L’entrada dalla tauna da castur ei adina sut l’aua ed il spazi da habitar sesanfla adina sur l’aua. Ils casturs stattan bugen da cumpignia e zambregian d’incuntin enzatgei vid lur taunas, per ch’ellas seigien cumadeivlas. Cun roma e buglia staupan els las ruosnas ed isoleschan la tauna.
La stad senutreschan ils casturs surtut da plontas jarvusas sco pastgs, canna ni feglia. Igl unviern ei la scorsa lur nutriment principal. Igl atun entscheivan els a derscher plontas pli grossas. Lur «plazs da far lenna» ein savens dil flum si. Aschia san els duvrar il current dall’aua per transportar la roma grossa. Ella Ruinaulta dat ei en differents loghens tals «plazs da far lenna».
Quelle: Biberfachstelle
Terraviva
Referenzen.
Einen Einblick über das Tun und Wirken von Terraviva vermitteln Ihnen die aktuellen und abgeschlossenen Projekte.
Terraviva
Referenzen.
Einen Einblick über das Tun und Wirken von Terraviva vermitteln Ihnen die aktuellen und abgeschlossenen Projekte.
Il camutsch
Ils camutschs ein d’inscuntrar per il solit sur il cunfin digl uaul. Ei dat denton era colonias che vivan egl uaul. Quei vala era per la colonia da camutschs ella Ruinaulta. Quella resta duront igl entir onn ella cavorgia e sa vegnir observada sin las teissas costas dalla riva seniastra dil Rein.
Il luf-tscherver
Ils lufs-tscherver spuretgs ed activs da notg vesan ins per regla buc. Els ein era buca prigulus per ils carstgauns. Ils lufs-tscherver ein individualists e tolereschan negins auters animals carschi dalla medema schlatteina en lur revier. En in liug protegiu ha la luffa-tscherver 1-4 pigns la fin matg, l’entschatta zercladur. Ils animals giuvens stattan tier la mumma tochen che quella ha puspei novs pignets.
Il luf
Ils lufs semovan la notg lunsch tras lur territori e savens era tras la Ruinaulta. La schanza d’entupar in luf ei denton fetg pintga. Els ein numnadamein fetg spuretgs ed eviteschan per regla il contact cun ils carstgauns. Ils lufs han in cumpurtament social fetg sviluppau. En in triep vivan per regla animals da differentas annadas. Tuts gidan a trer si ils pigns.
