Il Parc natural Beverin – il dacasa dils capricorns
Ils asils federals da selvaschina el Parc natural Beverin ein la patria dalla colonia da capricorns Stussavgia/Valrein. Sin las spundas teissas e carpusas cuvretgas cun pastg anflan ils ver 350 animals cheu il spazi da viver ideal. Suenter ch’il capricorn ei vegnius extirpaus cumpletamein en Svizra el 16avel tschentaner, eis el pér puspei vegnius recolonisaus l’entschatta dil 20avel tschentaner. El Parc natural Beverin odiern ei quei reussiu igl onn 1954. Quei ed ulteriuras informaziuns interessantas davart il «retg dallas Alps» porscha l’exposiziun da capricorns a Vargistagn.
Viver da cuminonza e promover in svilup persistent
Il Parc natural Beverin cumpeglia quater valladas e dus territoris culturhistorics e linguistics differents. Ensemen cun las nov vischnauncas da parc ha il Parc natural Beverin igl intent da promover in svilup persistent dalla cuntrada, da rinforzar l’economia locala e sustener in turissem en accord cun la natira e la cultura. El center stat ultra da quei il manteniment e la revaletaziun dalla reha biodiversitad, dallas bialas cuntradas e dils beins culturals d’aulta qualitad.
Products recumandai dil Parc natural Beverin
Terraviva
