In di ella Ruinaulta
Hop-on hop-off tras la Ruinaulta
Scuvri la Ruinaulta a pei, cun il bus ed il tren. Ina ga da surengiu ni permiez atras, ina ga cun agid da Vossas atgnas musclas ni cumadeivlamein el bus. Duront quell’excursiun saveis Vus guder la cuntrada fluviala selvadia ord differentas perspectivas.
naven da Laax/Glion
10.10
Partenza cun igl auto da posta cabriolet naven da Laax, Posta. Il viadi meina sur Valendau Vitg (cun colligiaziun naven da Glion, partenza dallas 10.24) e Versomi per liung dalla Ruinaulta e porscha numerusas bialas vestas sin la cavorgia.
10.57
Arrivada a Panaduz, Zault/Ruinaulta. Prendei la caschun da visitar la plattaforma panoramica «Zault». Naven da cheu viandeis Vus tras igl uaul da Panaduz (ruta 656) giu sper il Rein e sur la punt pendenta cun in’architectura interessanta tochen alla staziun da Trin. Temps da viandar: ca. 45 minutas.
12.12
A Trin prendeis Vus puspei il tren tochen alla staziun da Versomi-Stussavgia. Arrivada dallas 12.17. Da Versomi-Stussavgia, el cor dalla Ruinaulta, viandeis Vus per liung dil Rein tochen tier la staziun da Valendau-Sagogn (ruta 656). Temps da viandar: ca. 1 ½ uras.
14.51
Naven da Valendau-Sagogn saveis Vus era prender il bus dalla Ruinaulta anavos a Laax ni che Vus prendeis la Viafier retica tochen Glion. Partenza dallas 14.22.
Terraviva
Referenzen.
Terraviva
Referenzen.
Il Robinson dalla Ruinaulta – 50 onns sin la mesinsla Isla Casti
Tgi che vul seschar inspirar vinavon suenter in di aventurus ella Ruinaulta – seigi quei a pei, cun il tren ni il bus –, sa mirar il video davart il Robinson dalla Ruinaulta e sia historia da famiglia interessanta. Varga 50 onns ha Anton Stury viviu cun dunna ed affons sco eremit sin la mesinsla Isla Casti ella bellezia cuntrada dalla Ruinaulta. Peter Brosi e Josef Brunner han visitau il Robinson grischun sin sia insla igl onn 1969. Cheu saveis Vus mirar il video.
