Il monument natural
Scuvierer la Ruinaulta
Scuvri la cavorgia la pli multifara dallas Alps – a pei, cun velo ni sin l’aua. Era ils uauls, ils lags ed ils vitgs entuorn la Ruinaulta porschan numerusas pusseivladads da passar il temps en accord cun la natira.
Il monument natural dalla Ruinaulta sedistingua tras sia cuntrada multifara ed impressiunonta. Denter Glion e La Punt/Rehanau serpegia il Rein sin ina lunghezia da 14 kilometers en siu letg oriund per liung da preits crap alvas d’ina altezia da 350 meters. Buca per nuot vegn la Ruinaulta era numnada Swiss Grand Canyon. La cavorgia selvadia e naturala cun ils bauns da glera aviarts ei il spazi da viver da specias d’utschals raras ed ils uauls extendi ein enconuschents per lur diversitad d’orchideas.
Plattaformas panoramicas
La Ruinaulta da surengiu
Sur la Ruinaulta dat ei siat plattaformas che porschan ina vesta unica. Gudi ils panoramas impressiunonts dalla Ruinaulta. La plattaforma la pli spectaculara ei Il Spir, ina construcziun d’itschal che para da sgular sur las profunditads dalla cavorgia e porscha ina vesta magnifica.
Da viadi
Cun il bus ed il tren
Combas staunclas? Lu prendei il tren panoramic dalla Viafier retica e gudi la biala vesta. Il tren special cursescha la sonda e la dumengia denter Glion e Landquart. U prendei il bus dalla Ruinaulta. Igl auto da posta cun tetg aviert carrescha denter Laax e la Val Stussavgia (obligatori da reservar ils plazs).
Terraviva
Referenzen.
Einen Einblick über das Tun und Wirken von Terraviva vermitteln Ihnen die aktuellen und abgeschlossenen Projekte.
